Kompyuterda ö, ğ, ş, ç harflarini qanday yozish mumkin?

Yangilangan: 2026-yil 2-noyabr

1-usul. Yangi Alif dasturi

Windows dasturi yozish paytida harflarni o'zi almashtiradi. Klaviaturani qayta o'rganish shart emas: o' yozsangiz ö, sh yozsangiz ş chiqadi. Word, Telegram va brauzerda ishlaydi.

Dastur hali raqamli imzoga ega emas. Windows ogohlantirishi mumkin, Smart App Control yoqilgan kompyuterlarda esa ochilmasligi mumkin.

2-usul. Onlayn o'girgich

Matn yoki Word hujjat tayyor bo'lsa, uni o'girish sahifasiga yuklang. Hech narsa o'rnatish kerak emas, fayl hech qayerga yuborilmaydi, telefonda ham ishlaydi.

3-usul. Word'dagi kodlar

Microsoft Word'da kodni yozing va darhol Alt + X ni bosing. Kod harfga aylanadi.

Bu usul faqat Word kabi dasturlarda ishlaydi va uzun matn uchun noqulay.

4-usul. Alt kodlar

Alt tugmasini bosib turib, o'ngdagi raqamlar blokida kodni tering:

Bu usul to'liq emas: ğ va ş uchun Alt kod ishonchli ishlamaydi. Ruscha klaviatura tartibida boshqa belgi chiqishi ham mumkin, raqamlar bloki bo'lmagan noutbuklarda esa foydalanish qiyin.

5-usul. Turkcha klaviatura tartibi

Windows'ga turkcha tartibni qo'shsangiz, ö, ğ, ş, ç alohida tugmalarda bo'ladi:

1. Sozlamalar → Vaqt va til → Til va mintaqa ni oching.
2. Til qo'shish ni bosing va Türkçe ni tanlang.
3. Tartiblar orasida Win + Probel bilan o'ting.

Bu tartibda boshqa tugmalar ham o'zgaradi. Masalan, I tugmasi ı harfini beradi, i harfi, vergul va nuqta esa boshqa joyga ko'chadi. Ko'nikish kerak bo'ladi.

Telefonda qanday yoziladi?

Ko'pchilik telefon klaviaturalarida harfni bosib tursangiz, qo'shimcha belgilar chiqadi: o da ö, g da ğ, s da ş, c da ç. Klaviaturangizda bo'lmasa, sozlamalardan turkcha tilni qo'shib ko'ring. Tayyor matnni esa o'girish sahifasi telefonda ham o'giradi.

Qaysi usulni tanlash kerak?

Alifbodagi o'zgarishlar haqida yangi alifbo qo'llanmasida o'qing.